ခရမ်းချဉ်သီးကြော်

ဟိုတလောက မခင်ဦးမေ နဲ့ စီပုံးမှာ စကားပြောရင်း ချက်မယ့် ဟင်းတွေ အကြောင်း ပြောမိကြတယ်။ ခရမ်းချဉ်သီးကြော် ချက်မလို့ အမလို့ဆိုတော့ ဟဲ့ ရန်ကုန်ကလူတွေ ဒါမျိုး မချက်ပါဘူး။ ဘယ်နယ်ကလဲ လို့ မခင်ဦးမေ ကမေးပါတယ်။ ကျွန်မကတော့ ရန်ကုန်ကပါ။ ဒါပေမယ့် မိဘဆွေမျိုး လူကြီးတွေက အညာဘက်မှာ မွေးဖွားကြီးပြင်းခဲ့သူတွေမို့ အိမ်မှာ ချက်တဲ့ ဟင်းတွေက အညာဆန်ဆန်တွေ ပါတတ်ပါတယ်။ ဒီနေ့တော့ အညာချက်လေး ချက်ကြစမ်းပါအေလို့ ပြောတတ်တဲ့ အဘွားရဲ့ စီမံမှုအောက်က ဟင်းတွေနဲ့ ကျွန်မတို့ ကြီးပြင်းလာခဲ့ကြရတာပါ။ အဘွားစီမံတဲ့ တစ်ချို့ဟင်းတွေက ဘာနဲ့မှ မလဲနိုင်အောင် ကြိုက်သလို တစ်ချို့ဟင်း တွေကိုတော့ မုန်းလောက်အောင် ငြီးငွေ့ခဲ့ရပါတယ်။ အခုလို အိမ်နဲ့ အဝေးမှာ ရောက်နေတဲ့ အချိန်တွေကျတော့ အိမ်က ဟင်းအရသာလေးတွေကို လွမ်းနေရင် ဘယ်မှာမှ ၀ယ်မရ ရှာရပါဘူး။ တစ်အိမ်နဲ့ တစ်အိမ် လက်ရာတွေကလည်း ကွာကြတာဆိုတော့ ဟင်းနာမည်တူတောင် လက်ရာက ကွဲနေကြပြန်ပါတယ်။ အဲဒါကြောင့် ကျွန်မ ဒီကို ထွက်လာတော့ ကျွန်မ ချစ်တဲ့ အဒေါ်က ကျွန်မကြိုက်တဲ့ ဟင်းလေးတွေကို ဗလာစာအုပ်လေးထဲမှာ ကိုယ်တိုင် ရေးပေးလိုက်ပါတယ်။ အဲဒီဟင်းတွေထဲမှာ မကြာခဏ ချက်ဖြစ်တဲ့ ဟင်းတစ်မျိုးကတော့ စောစောက ပြောခဲ့တဲ့ ခရမ်းချဉ်သီးကြော်ဆိုတာပါပဲ။ အညာဟင်းလား ဘာလားတော့ သေချာ မသိပေမယ့် အိမ်မှာချက်တိုင်း မက်မက်မောမော စားနေကျ ဟင်းလေးတစ်ခွက်ပါ။ အသားငါးတွေ အထူးတလည် မပါရင် နေပါစေ အရသာရှိတဲ့ ဒီလိုဟင်းလေးနဲ့ဆို ထမင်း အင်မတန် မြိန်ပါတယ်။ ဒါ့ကြောင့် မချက်ဖူးသေးတဲ့ သူတွေရှိရင်လည်း ချက်စားကြည့်ရအောင် ချက်နည်းလေးနဲ့ ပုံလေးတွေ တင်ပေးလိုက်ပါတယ်နော်။

ခရမ်းချဉ်သီးကြော်

- ခရမ်းချဉ်သီး တစ်ပေါင် ခန့် ကို သေးသေးစိပ်ပါ။

- ကြက်သွန်နီ ၂ ဥ ခန့် ကြက်သွန်ဖြူ ၁ဥ ခန့်ကို ထောင်းပြီး ဆီ ထမင်းစားဇွန်း ၁၀ဇွန်းခန့်ဖြင့် ဆီသတ်ပါ။ ( စပ်တဲ့ အနံ့ မွှေးချင်လို့ ကျွန်မကတော့ ဒီမှာဝယ်လို့ရတဲ့ ငရုတ်သီးစိမ်းတောင့်ကြီးတွေကို ထည့် ဆီသတ် လိုက်ပါတယ်။ )

- မွှေးပြီး ကြက်သွန်များ နွမ်းလာလျှင် စိပ်ထားသော ခရမ်းချဉ်သီးများကို ထည့်ပါ။

- ဆားနည်းနည်း၊ ဆနွမ်းနည်းနည်း၊ ပုစွန်ခြောက်မှုန့် ဇွန်းကြီး ၂ဇွန်းခန့်ထည့်မွှေပါ။

- ခရမ်းချဉ်သီးများလိပ်လာလျှင် ငါးပိနု ဆီးဖြူသီးခန့်ထည့်ပါ။ (ငန်တာ ကြောက်မကြောက် အပေါ်မူတည်ပြီး လိုတိုး ပိုလျှော့လုပ်လို့ရပါတယ်။ ငါးပိမရှိရင် ငံပြာရည် နည်းနည်းထည့်လို့ရတယ်လို့ အဒေါ်ကပြောပါတယ်။)

- ဆီပြန်လျှင် မီးဖိုပေါ်မှ ချလို့ရပါပြီ။

- နံနံပင်လေး အပေါ်က အုပ်ပြီး စားချင့်စဖွယ် ပြင်ဆင်နိုင်ပါတယ်။

ကဲ.. ချက်ရတာ လွယ်ကူပြီး စားလို့ အင်မတန်ကောင်းတဲ့ ခရမ်းချဉ်သီးကြော်လေး ရပါပြီ။ ချက်စားကြည့်ဖြစ်တဲ့ သူတွေလည်း လာပြန်ကျွေးဖို့ မမေ့ကြနဲ့နော်။း)

မကေရဲ့ ကွန်မင့်ဖတ်ပြီးမှ ရေးဖို့ ကျန်ခဲ့တာ သတိရတယ်။ မကေပြောသလိုပဲ လိပ်ပြီး ခြောက်ခြောက်လေး ကြော်ရင် ပိုတောင် စားကောင်း ပါတယ်။ မိတ္တီလာဘက်က အမျိုးတွေလာလည်လို့ အဲလို သေသေချာချာလေး ကြော်ပေးရင်များ စားလို့အင်မတန် ကောင်းတာကို မှတ်မိနေတယ်။